السلام عليكم ورحمة لله وبركاته

كيف حالكم وشن اخباركم وشن اموركم،القصة لي بنحكيها قصة حقيقية مع تغير الاسماء :

نبد ا على بركة لله ... بسم لله 

بطل القصة اسمه (سالم)وعمره توا 38 سنة . من عائلة محافظة ومصلي ويخاف ربي. خونا سالم زي اي شاب ليبي قري وخدم وتخرج وكون روحه ودار سيارة وحوش وكمله والامور تمام والحمد لله .

اول قصة لخونا سالم :

زي اي شاب خونا سالم تعرف ع بنت تقرا معه ارتاحوا لبعض وحبوا بعض وتفاهموا انه بيجي يخطبها واول وانه بعد مايتخرج يتزوجوا ومشت الامور بين خونا سالم والبنت هادي الي نين فاتح اخواته وامه بالموضوع وطلب منهم يمشوا لحوش البنت امتى قرب يتخرج وفعلا مشوا لحوش البنت .

من اول مابدا الهدرزه حست ام سالم انه ام البنت ماتبيش هدرزوا وتناقشوا وروحت ام سالم وقالت لودها انه مش مطمنه . بعده صار نقاش بين سالم والبنت وحس انه البنت تبعد عليه . تلقا خونا سالم واخ البنت وهدرزوا وحكله كل شي وشن عنده وشن ماعنداش وقاله اخ البنت توا انرد عليك

مشي يوم من الايام قاللها ليش تبعدي شنو فيه .. مش ردت عليه انه امها وخوها طلبوا منها انه تقطع علاقتها بيه ومعاش تقرب منه. 

بعدها اتصل خوكم سالم باخ البنت وساله شنو صار في الموضوع . مشي قاله انه ناقش الموضوع مع العيلة ولقوا انه هو صغير ومازال يقرا ومايقدرش يفتح بيت وتبي وقت باش تخدم وتكون روحك..

قبل سالم الموضوع رغم انه عارف انه الحقيقة مش هكي ، الحقيقة  انه ( اخ البنت يبيها لصاحبه ولم صاحب اخوها شافها في النظرة الشرعية قاله اختك صغيرة ومازال مش متع زواج ) بقول كيف عرف بنقوالكم عن طريق احد اقاربها لي ديما يسال فيهم عليه باش يطمن عليه وع صحتها.

تخرج سالم والحمد لله وفقه ربي وحصل عمل في مكان مليح ومرتب كويس ودار سيارة وحوش خلال 3 سنوات من تخرجه .....

تمت

تم اول جزء من قصة خونا سالم مع الزواح غدوا باذن الله نكملوا ...