صباح الخيرات والليرات وان شاء لله نهاركم سعيد مبارك وربي يفتح على الجميع ويرزقهم .

نرجعوا لقصة خونا سالم واعتذر اذا كان فيه اخطاء املائية ولا لغوية في المرة الفاتت والمرات الجاية .

بعد ماتخرج خونا سالم ومصارش من الموضوع لي بينه وبين البنت لي تقرا معه بدي يخدم وبدي في تكميل حوشه والحمد لله ربي فتح عليه، يوم من الايام مقعمز خونا سالم مع صديق ليه مني منك كلام يجب كلام . صاحبه قاله شنو رايك نخطبلك اخت المدام . قاله سالم عادي لانه يعرف انهم عيلة كويسة ومحترمة .

بعد ايام جي صاحبه وقاله المدام كلمت اخته وامه وقالوا عادي يتفضلوا... دار خونا سالم امه وخواته ورفعهم وهدرزوا عليهم وشافوا البنت وتعرفوا ع بعض وشاف خونا سالم البنت وهدرزوا ، لكن صاحب سالم قاله راهو اخت المدام صغيرة وانخطبت مرتين وفسخت هكي بدون سبب منها ليه ونفس الكلام قالته ام البنت لي ام سالم .

توكل خونا سالم ومع مرور (( بعض الايام  )) درته بين قوسين بعض الايام اتصالت البنت بخونا سالم قالتله راهو اني معاش نبي ومافيش نصيب وربي يرزقك بنت الحلال حاول خونا سالم يعرف شنو السبب لكن المشكلة مافيش سبب هكي ضرب في دماغه البنت.

اتصال خونا سالم بصاحبه وهدرزوا ع الموضوع لي صار قعد صاحبه مسكين يتخضر ويتصفر وحاول انه يرجع الموضوع من جديد لكن للاسف البنت معاش تبي مافيش نصيب.... 

تمت

غدوا انكملوا  قصة خونا سالم باذن الله ...